පාට කරන්න දන්නේ නැත්තන් ඕන් විස්තරේ.

යාන්තන් ඉහට වහලයක් අටවගත්තට පස්සේ හැමෝටම එන ප්‍රශ්නයක් තමා ඕක පාට කරගන්න එක, කාල වෙලාව තියේනම් අත්දැකීම් ගන්නත් එක්ක  කැමති කැමති පාට ගෙනල්ලා උලන්න පුළුවන්. ඒ උනත් අපි වගේ උන්ට ගෙවල් Paint කර කර ඉන්න උනොත් පස්ස පැත්තේ මකුළුදැල් බැඳෙන  හින්දා. අලුත් අවුරුද්දට බ්ලොග් එකෙත් මකුළු දැල් ටික කැඩෙන්න ඔන්න දානවා ගෙයක් Paint කර ගන්න විදිහ, කාට හරි වැඩක් වෙයි කියලා.  

           කාමර දෙකයි, කුස්සියයි, සාලෙයි තියන   ගේ Paint කරගන්න කියලා කීප  දෙනෙකුටම කීවාම මුන් ඇවිත් බලලා කෙලින්ම ඉලක්කම් හයක ගානක් කියලා කොන්ත්‍රාත් ඉල්ලන්නේ. අට අනුවක් ජාති කියලා අපිව අන්දගෙන කන්න බලන හිංදා හෙවුවා හෙවුවා නෙට් එක පුරාම කොහොමද වැඩේ කොරන්නේ කියලා. ම්හ් ...කොහෙවත් සෙට් උනේ නැ මුල ඉඳන් වැඩේ කොරන විදිහ ගැන විස්තරයක්. ඔහොම හොයා හොයා ඉද්දි මතක් උනේ "Multitasking අටමව". පොඩි මැසේජ් එකයි දුන්නේ. ආය මොනවද Online Course එකක් කරා වගේ තමා. දැන් ඉතින් ඕනනම් Paint බාසලාට මම උගන්නන්නම් Paint  කරන  විදිහ. :D අටමෝ උඹට ගොඩක් පිං. උට විතරක් පිං දීලා හරියන්නේ නැති හිංදා මාත් යන එන තැනකට වැඩක් කරගන්න. ඔන්න එදා ගිය සංවාදේ ගෙඩි පිටින්ම දානවා. කාට හරි වැඩක් වෙන්නැතැ.  

මචං ගෙයක් paint කරනකොට කරන පිළිවෙල ගැන මොනවා හරි දන්නවද? මම ඒ ගැන මෙලෝ දෙයක් දන්නේ නැ. පුලුවනන්ම් පොඩි විස්තරයක් දෙන්න. ජනෙල් දොරවල් එහෙමත් පින්ට් කරන්න ඕන. ඒ ගැනත් එක්ක . ගාන්න ඕන මොනවද ඉස්සොරොම කරන්න ඕන මොනවද ජනෙල් වල ලී පෙනුම තිඅගෙන වාර්නිෂ් කරන්නේ කොහොමද වගේ දේවල්

MAR 17TH, 12:51PM

ඉස්සෙල්ලම ජනෙල් දොරවල් හොදින් සූරන්න , ලී වල තියන පරන වාර්නිස් , කුනු එහෙම ගැලවිලා ලීය සුදු පාට වෙනකං , තදින් ගෑවුන දේවල් තියනවානං , ග්‍රයින්ඩරයකට වැලිකඩදාසි අලවලා කපන්න , ඊට පස්සේ ඒවා එහෙම්ම තියල , ග්‍රීල් ගහල තියනවානං ඒවා සුද්ද කරල යකඩ වලට ගාන තීන්ත ගානන් , ස්පේ ගන් එකකින් වාහනවලට ගාන cic තීන්ත වගේ හොද එකක් ගානවනං වඩා හොදයි , ඊලගට උලුවහු ජනෙල් දොරවල් වල ගාන දැව ආරක්සක තියනවා , ඒවා ගාන්න පුලුවන් ( සත්තුන්ගෙන් ආරක්ෂාකරගන්න සහ හිරිකඩෙන් ආරක්ෂාකරගන්න වෙන වෙනම ජාති තියනවා ) ඒවා විනිවිද පේනවා , ගෑවද කියලත් නැ , ඊලගට ලී වල හොද පෙනුමක් නැත්තං ඩයි වර්ගයක් ආලේප කරන්න පුලුවන් , ඒක ඕන වෙන්නේ නැ ලී වල හොද පෙනුමක් වයිරං එහෙම තියනවා නං , ඊලගට හොද වර්ගයක ක්ලියර් වානිස් එකක් ගාන්ඩ , ඒකත් ස්පේ කරනවානං වඩා හොදයි ඊලගට ඔය දොර ජනෙල් ටික කඩදාසි සහ මාස්කිම් ටේප් වලින් ආවරනය කරල බහින්ඩ බිත්තියේ වැඩේට , බිත්ති හොදින් පිරිසිදු කරල , වල ගොඩැලි කැඩුන තැන් සහ බිත්ති මුළු කොන්වල තියන ඇද පලුදු වහන්න වෝල් පොඩි වලින් , ඊගට ඒවා වේලුනහම මුළු බිත්තිය සුමටවෙනකං මදින්න වැලි කඩදාසිවලින් , ඊලගට බිත්තිවලට ගාන්න පිලර් ඒවා තියනවා ඇතුලට සහ පිටත බිත්ති වලට වෙන වෙනම , පිට බිත්ති වලට තියනවා පින්නට එහෙම ඔරොත්තු දෙන ඒවා , ඊලගට ඔයා ගාන්ඩ බලා පොරොත්තු වෙන ඉමල්ෂන් තීන්ත ගාන්න , ඒවත් තියනවා ඇතුලට සහ පිටතට වෙන වෙනම ජාති , බිත්ති සහ සිවිලිමට තීන්ත ගාන්න රෝලර් එකක් පාවිච්චි කරන්න , රෝලර් එකෙන් ගාන්න බැරි තැන්වලට විතරක් පින්සල් වලින් ගාන්න ඔය ටික ඔලුවේ තියාගන ගියහම තීන්ත කඩයෙන් ඔයාට අවශ්‍ය හොදම ඒවා සහ හොද උපදෙස් ගන්න පුලුවන් , උන්ට කියන්ඩ ගණන් අඩු බාල ඒවා එපා හොදම එකෙන් දෙන්ඩ කියල ,

ගනන් අඩු බාල තීන්ත තියනවා අහු වෙන්ඩ එපා , සමහරක් වෙලාවට හොද ලිටර් හතරක් හාරදාහක් වෙනකොට බාල එකක් දාහට ගත්තහැකි , ඒවා ගාන්ඩ එපා , හොදම එකෙන් ගෑවොත් පරිස්සං කරල තියාගත්තෝ උඹට ආයේ තීන්ත ගාන්ඩ වෙන්නේ ලමයගේ මගුල් ගෙදරට තමා

අනික මචං හරියට පිලර් කරල තියන බිත්තියක හොද ඉමල්සන් එකක් හරි එනැමල් එකක් හරි ගාන්න ඕන එකපාරයි , අපේ අක්කලගේ ගෙදර බාල තීන්තයක් හතරපාරක් ගාලත් නියම පාට ආවේ නැ , වතුර වැටෙන පින්න වැටෙන හිරිකඩ වැටෙන තැන් ඉර එලිය වැටෙන තැන්වලට ලී වාගේම බිත්ති වලටත් විශේසයෙන් හදපු ආලේප තියනවා , උබේ අවශ්‍ය තා එක්ක කඩේ එකාගෙන් ඒවා අහල දැන ගිනින් , තීන්ත ගන්ඩ හදිස්සියේ යන්ඩ එපා නිවාඩු පාඩුවේ කරහං ඒක ,

අනික තමයි පේන්ට් කරන උන් ලක්ස ගනන් අයකරනවා , තනියම කරගන්ඩ බලහං වැඩටික

ඕන වට වඩා ලා පාට වලට සහ එලිය වැඩි දිලිසෙන පාට වලට යන්ඩ එපා , ඉක්මනට ජරා වෙනවා ( ඇස්වලටත් අමාරුයි)

MAR 17TH, 5:50PM

පට්ට පට්ට මචං අඩේ මේක පොස්ට් එකක් විදිහට හරි දාපන්. අපි වගේ සබ්ජෙච්ට් එක ගැන මෙලෝ හසරක් නොදන්නා උන්ට මාර වටිනවා.

මචන් සීලර් කියන්නේ මොනවද ? මොකටද පාවිච්චි කරන්නේ

MAR 17TH, 8:57PM

සීලර් කියන්නේ මුලින්ම ගාන බේස් එකට , අර මම කලින් කියුවේ දැව ආරක්සක කියල ඒකත් ඔය සීලර් වගේ තමා , තව බිත්තිවලට තියනවා වෝටර් ප්‍රපින් සීලර් , ලීවලට ඒවා තියනවා , තව තියනවා අල්ටා වයලට් සීලර් ( ඉරඑලියෙන් ආරක්ෂා කරගන්න ) , ඔය වගේ එක එක සීලර් වර්ග තියනවා , එක එක නම් තියනවා .සමහරක් විට එකම ආලේපයට නම් කිහිපයක් තියනවා , ඔ්‍ය තියන තරං ජාති ගාන්න ඕන නැ , ඔයා ගන්න පේන්ට් එකත් එක්ක මැච්වෙන එක , ඔයාගේ වැඩේට හරියන එක කඩේ එකා දෙනවා , නෝමල් ෆෝසිඩි එක තමයි , මොනවාහරි ගන්න වෙළද නාමයෙන්ම සියළු දේ ගන්න එක , එතකොට තමයි හරියටම සෙට් වෙන්නේ , ( ඒක ආට් එකක් ) අපිහිතමු සී අයි සී තින්ත ගත්තා කියල , පිලර් ගන්නෙත් සී අයි සී වලින්මයි , තිනර් ගන්නෙත් එව්වමයි , අවශ්‍ය තාවයක් තියනවනං , වේලෙන එක පරක්කු කරන්න රිටාඩර් , ඉක්මනින් වේලන්න හාඩ්නර් , හෙන කෙලකෝටියක් තියනවා බං , හැබැයි මිනිස්සු ඔව්වා පාවිච්චි කරන්නේ වැරදියට ,

මට එකක් අමතක උනා කලින් උඹට කියන්න , ජනෙල්වල ග්‍රීල් වල සහ ජනෙල් පියන් උළුඅහු වල එහෙම පරණ තීන්ත තියනවනං , ඔයා ඒවට තීන්ත ස්පේ කරනවනං අනිවාර්යෙන් පේන්ට් රීමු ගලා ඒ පරන ඒවා සම්පුර්නයෙන් අයින් කරන්න

සීලර් කියන්නේ මුලින්ම ගාන බේස් එකට , අර මම කලින් කියුවේ දැව ආරක්සක කියල ඒකත් ඔය සීලර් වගේ තමා , තව බිත්තිවලට තියනවා වෝටර් ප්‍රපින් සීලර් , ලීවලට ඒවා තියනවා , තව තියනවා අල්ටා වයලට් සීලර් ( ඉරඑලියෙන් ආරක්ෂා කරගන්න ) , ඔය වගේ එක එක සීලර් වර්ග තියනවා , එක එක නම් තියනවා .සමහරක් විට එකම ආලේපයට නම් කිහිපයක් තියනවා , ඔ්‍ය තියන තරං ජාති ගාන්න ඕන නැ , ඔයා ගන්න පේන්ට් එකත් එක්ක මැච්වෙන එක , ඔයාගේ වැඩේට හරියන එක කඩේ එකා දෙනවා , නෝමල් ෆෝසිඩි එක තමයි , මොනවාහරි ගන්න වෙළද නාමයෙන්ම සියළු දේ ගන්න එක , එතකොට තමයි හරියටම සෙට් වෙන්නේ , ( ඒක ආට් එකක් ) අපිහිතමු සී අයි සී තින්ත ගත්තා කියල , පිලර් ගන්නෙත් සී අයි සී වලින්මයි , තිනර් ගන්නෙත් එව්වමයි , අවශ්‍ය තාවයක් තියනවනං , වේලෙන එක පරක්කු කරන්න රිටාඩර් , ඉක්මනින් වේලන්න හාඩ්නර් , හෙන කෙලකෝටියක් තියනවා බං , හැබැයි මිනිස්සු ඔව්වා පාවිච්චි කරන්නේ වැරදියට , මට එකක් අමතක උනා කලින් උඹට කියන්න , ජනෙල්වල ග්‍රීල් වල සහ ජනෙල් පියන් උළුඅහු වල එහෙම පරණ තීන්ත තියනවනං , ඔයා ඒවට තීන්ත ස්පේ කරනවනං අනිවාර්යෙන් පේන්ට් රීමු ගලා ඒ පරන ඒවා සම්පුර්නයෙන් අයින් කරන්න

නැ මචන් අලුත්ම ජනෙල කොස් ලී වලින් හදලා තියෙන්නේ. ඒ හින්දා ලියේ වටිනාකම පේන්නත් එක්ක වාර්නිෂ් කරන්න ඉන්නේ

දැන් හරි මචං නැත්තන් බාසලාට ඕන විදිහට වැඩේ කෙරෙන්නේ. තවම ගරිල් හයි කරලා නැ. ඒ හින්දා වැඩේ ලේසියි. මචන් ලීය හොඳට පොලිෂ් කරගන්න ග්රින්දෙර් එකෙන් පුලුවන්ද ?

ග්රින්දෙර් කියුවේ

සොරි grinder

ගයින්ඩරෙන් කරන්නේ ලීය සුමට කරගන්න එක , අළුත් ලී වලට ඒක ඒන නැ , අතින් කරහං , නැත්තං ලීය විනාසවෙනවා , කොස් ඩයිපාරක් ගහල , ක්ලියර් ලැකර් පාරක් දාහං.

උඹ ලංකාවෙද

නැ මචං එන්න ඉන්නේ තව මාස දෙකකින් විතර ගේ බාගෙට හදාගෙන කුලී ගෙවා ගෙවා හිටියා ඇති. දැන් වැඩ ඉවරයි. මගේ සති 2 නිවාඩුවට ඕවා කර කර ඉන්න බැ බං. හැම සැරේම ඇවිත් පොඩි එකත් එක්ක කොහේ හරි යන්න හිටියත් ගෙදර වැඩට යට උනාම ඔක්කොම කම්බස්. මේ සැරේ වත් අලුත් ගෙට පදිංචියට යන්න ඕන බං.

මට ඕවා කරන්න කාලයක් නැ. ගනිටත් ඕවා බලන්න තේරෙන්නේ නැ. කොල්ලෝ දෙන්නෙක් අල්ලලා දවස්කුලියට වැඩේ කර ගන්නවා. ඔක්කොටම කලින් උන් මොනවද කරන්නේ කියලා subject එක දැනගෙන ඉන්න එපැය

වාර්නිෂ් ගාන්න එපා ,පැණි පාටට දිලිසෙනවා , කොස් ඩයිපාරක් දාල ක්ලියර් ලැකර් මැට් පිනිස් එක ගාපං , දිලිසෙන්නේ නැතුව අළුත් ලීයක් වගේ තියනවා සැහෙන කාලයක් , ව්ක පට්ට

හරි පිලර් code දෙකක් ගාන්න ඕනද ? අනික මචං එළියේ තියලා තියෙන්නේ මැදපු බිත්ති නෙවේ. හදපු ගෙයක් අරං modifi කරලා ගත්තේ. එළියේ බිත්ති වල පින්ට් එකක් ගාල තියෙන්නේ. එක උඩින් pilar පාරක් ගාල පින්ට් කරාම අවුලක්,නැ නේද ?

ඔව් මැදල නැති බිත්තියට හරියන වෙනම තීන්ත වර්ග තියනවා

පිලර් කෝඩ් දෙකක් ඕන වෙන්නේ නැ හොදට කපපු සුමට බිත්ති වලට

ඒක මචං roler එකෙන් ගාන්න පුලුවන්ද ? මම කිවේ එළියේ මැදපු නැති බිත්ති වල

එකක් උනත් හොදටම ඇති , සමහරක් XXXXX පොටි දාල වලවල් හදල පිලර් ගාල ආයෙත් කපල ආයෙත් ගානව පිලර් . එහෙම කරන්න ඒන නැ හැමතැනම , හරියට වලවල් ටික වහල , පිලර් ගාල 800 වගේ තුනි කොලයකින් ලාවට කැපුවහම ඇති

//ඒක මචං roler එකෙන් ගාන්න පුලුවන්ද ? මම කිවේ එළියේ මැදපු නැති බිත්ති වල // ඔව් පට්ට ලස්සනයි , ඒකටම එන රෝලර් හිටං තියනවා

ඕක තමා එකෙක් මට දුන්න බදු ලිස්ට් එක

එකෙන්නං අයිඩියා එකක් ගන්න අමාරුයි , ෆෝපෙෂන් නැ කියල නං පේනවා

න මචං ඕකම කරන එකෙකුට පෙන්නුවා උ ලක්ෂයක් ඉල්ලුව. මට තව ක්කමරය්ක් හද ගන්න පුළුවන් ඒ ගානට grin emoticon. ඒ හින්දා කොල්ලෝ දෙන්නෙක් සෙට් කර ගත්තා උන් දෙන්න දවස් පඩියට වැඩේ කරලා දෙන්නම් කිවා. ඒ උනත් වැඩේ අපිත් දැනගෙන ඉන්න ඕන හින්දා තමයි උඹෙන් ඇහුවේ. එල එල දැන් ඉතින් cource එකක් කරා වගේ තමා

වාර්නිෂ් ගාන්න එපා ,පැණි පාටට දිලිසෙනවා , කොස් ඩයිපාරක් දාල ක්ලියර් ලැකර් මැට් පිනිස් එක ගාපං , දිලිසෙන්නේ නැතුව අළුත් ලීයක් වගේ තියනවා සැහෙන කාලයක් , ව්ක පට්ට

ඔය බඩු ටික ගන්න පවුලව අරින්න , ලොකුම හොදම කඩයට , අරුන් දෙන්නව අරින්ඩ එපා , පන්දාහක විතර ඩිස්කවුන්ට් එකක් ගත්තහැකි , නැත්තං කඩෙන් ඒක දෙන්නේ උන් දෙන්නට ,

හරි මචන් ඔය ගමං කියපං බිමට මොකද කරන්න පුළුවන් කියලා. එලියට දාල තියෙන්නේ රතු සිමෙන්ති. ගේ ඇතුලෙනම් සාමාන්‍ය විදිහට සිමෙන්ති දාලා තියෙන්නේ.

උඹ ටයිල් වලට ආසද

න බං එච්චර වියදම් කරන්න බැ දැන්. ඒ හින්දා ඕක පොලිෂ් කරන්න හිතාගෙන ඉන්නේ

හොඳ shine එකක් ගන්න මොනවත් ට්‍රික්ස් තියනවද ?

පස්සේ කාලෙකවත් ටයිල් කරන්න එපා හෙන ගොං පාට් එකක් , ටයිටේනියම් ඩයොක්සයිඩ් එක්ක කැමති කලර් එකක් දාල සිමෙන්ති දාල ටෙරාසෝ මැසිමෙන් කපහං , පොලිෂ් කරාට වැඩක් නැ බැ , බිමට තින්ත ගාල වැඩකුත් නැ

මාත් එක ගැන හොයලා බැලුවා. කරන පොරක් සෙට් උනේ නැ.

ලොකු සීන් එකක් නෙමෙයි , හරියට කරන එකෙක් හොයාගන්න ඕන , ටයි ටේනියම් නැතුව ඔය පොලව උනත් කපන්න පුලුවන් , ටෙරාසෝ කරන පොරක් හොයහං

ඩයි නැතුව , ටයිටේනියම් නැතුව නිකං සිමෙන්ති දාපු පොලවත් මැෂිමෙන් කපන්න පුලුවන්

නෑ බන් අපේ පැත්තේ උං ඔය ගැන අහලවත් නැ. එක දෙවනුව කරනවා මචං. ආතක් පාඨක නැතිව හිටපු එකේ ඉන්න හරි තැනක් තියන එක මැදා. grin emoticon

මෙහෙ ඉඳන් හම්බ කරපු ඔක්කොම ඕකට තමා යට කරේ.

මටත් ඉතින් එහෙමනේ

එකනේ තොට ඒ දවස් වල කිවේ වරෙන් කියලා.

දැන්නං එපාවෙලා බං

දැන් ඉතින් පරක්කුයි. බලමු උඹ all rounder කෙනෙක් හිංදා මොනවා හරි සෙට් කරගන්න බැරි වෙන එකක් නැ

බලමුකෝ බලමුකෝ

උඹේ දැන් mobile වැඩේ මොකද ?

මචන් එහෙනම් මම යනවා thank u නැත්නම් මම හොඳටම ඇන ගන්නවා

මොකක්ද මේ i cloud lock

මොකක්ද මේ i cloud lock

දැන් ටික කාලෙක ඉඳලා facebook technical group වල බහුලව දකින්න තියන ප්‍රශ්නයක් තමයි iphone වල icloud lock එක ඉවත් කරන්නේ කොහොමද කියන එක. මේ සඳහා ගොඩක් දෙනෙක් විවිද උත්තර දීලා තියනවා දැක්කා. ඒ අතර සමහර උත්තර බලපුවාම අඬන්නද ? හිනාවෙන්නද ? කියලා හිතා ගන්න බැ. කොහොම උනත් මේ ගැන මම දන්නා තරමින් නොදන්නා අයව දැනුවත් කරන්න තමයි මෙහෙම ලියන්න හිතුවේ. 

මොකක්ද මේ icloud lock එක කියන්නේ. 

iphone එකක් පාවිච්චි කරන අය දන්නවා මේකට apps download කරගන්න සහ තවත් apple සමාගමේ සේවා ලබා ගන්න නම් apple සමාගමේ ලියාපදිංචි user account  එකක් හා password එකක් ඕන කියලා. මෙන්න මේ user account එක යොදාගෙන ලියාපදිංචි වීමෙන් පසුව තමයි ඕනෑම apple device එකකට apple සමාගමේ සේවා ලබා ගන්න පුළුවන් වෙන්නේ. මේ සේවා අතර තියන එක සේවයක් වන්නේ icloud සේවය. මේ තුල පහසුකම් රැසක් අන්තර්ගත වෙලා තියනවා. දුරස්ථව පරිගනකයක දත්ත තැන්පත් කිරීම(cloud storage), දත්ත කලමනාකරන මෘදුකාංග(notes,pages ,numbers, keynote), දුරස්ථව පරිගනකයක සබැඳීයාවන් තැන්පත් කිරීම(contact) සහ දුරකථනය තිබෙන භූමි ස්ථානය සොයා ගැනීම(find my iphone) කියන්නේ එයින් කීපයක්. මෙන්න මේ find my iphone කියන සේවයේ තියන එක් පහසුකමක් තමා ඔබේ දුරකථනය නැති උනොත් එය lock කර දැමීම හෝ එහි ඇති සියලු දේ මකා දැමීම. මේ සේවාව ලබා ගැනීමට නම් ඉහත කී ලෙස user account එකක් තිබීම හා දුරකථනයේ එම සේවාව ක්‍රියාත්මක කර තිබීම(find my iphone)  අත්‍යවශ්‍යයි.               

මොකක්ද find my iphone සේවයෙන් ගන්න පුළුවන් පහසුකම් 

 

දුරකථනය දැනට තිබෙන භුමි  ස්ථානය gps තාක්ෂනය යොදාගෙන සිතියමක් මත පෙන්නුම් කිරීම, සොරකම් කරන ලද  හෝ අස්ථානගත වූ දුරකතනයක  ශබ්දයක් play කර අවට සිටින්නන්ගේ අවදානය ඒ වෙත ලබා ගැනීමට හැකි වීම, lost mode ක්‍රියාත්මක කර යම්කිසි පණිවිඩයක් තිරය මත ප්‍රදර්ශනය කිරීම, erase iphone මගින් සියලු දත්ත මකා දැමීම.  හැබැයි මේ සියල්ල ක්‍රියාත්මක වීමට නම් iphone  එක ක්‍රියාත්මක තත්වයේ පවතින්න ඕන.  එහම නැතිනම් කොයිම වෙලාවක හරි ක්‍රියාත්මක උනොත් මේ සියල්ල ක්‍රියාත්මක වෙනවා. ඒ විතරක් නෙවේ නැවත iphone එක ක්‍රියාත්මක තත්වයේ තියනවා කියලා අපිට පණිවිඩයක් ලබා ගන්නත් notify me when found තේරීම මගින් පුළුවන්.

මෙය ඉවත් කල හැකිද ?

ගොඩක් දෙනෙක් අහන ප්‍රශ්නය මෙන්න මේක තමයි. ඇත්තෙන්ම apple සමාගම කියන්නේ බොහොමයක් දේවල් උසස් තත්වයෙන් පවත්වාගෙන යන සමාගමක්. ඒ හින්දා මේ හැම දෙකම security එක ඉතාම ඉහල මට්ටමක තමයි තියෙන්නේ. අපි භාවිතා කරපු iphone එකක් අරන් ඒක reset කලොත් හරි නැවත restore කලොත් හරි කලින් භාවිතා කල කෙනා find my iphone සේවාව ඒ තුල සක්‍රීය කරලා තිබුනානම් නැවත එය ක්‍රියාත්මක තත්වයට ගන්න කලින් භාවිතා කල icloud user name සහ password ලබා දීම අනිවාර්යයි. මොකද idevice එකක් හැම වෙලාවේම active වෙන්නේ apple server එකෙන් permission අරගෙනයි. ඉතින් මේක කඩන්න නම් apple server එක hack කරලා ඉන්න වෙයි මුලින්ම. එහෙම නොකර මේ පියවර bypass කරගෙන ඉදිරියට යන්න ක්‍රම කීපයක් තිබුනත් ඒ එකකින්වත් ක්‍රියාත්මක කරගත්ත idevice එකෙන් සම්පුර්ණ වැඩක් ගන්න බැරි වෙනවා. සිග්නල් නොලැබීයාම, settings menu වෙත ගමන් කිරීමට නොහැකි වීම වගේ දේවල්. නිකංම නිකං game player යක් හෝ MP3 player යක් ලෙස නම් පාවිච්චි කරන්න පුළුවන්.              

විසඳුමක් ඇත්තෙම නැද්ද ?

තියනවා මේක නිත්‍යානුකුලව ඉවත් කර ගන්න පුළුවන් සේවාවක් apple සමාගමෙන් ලබා දෙනවා. හැබැයි ඒ යම්කිසි කාල පරාසයක් තුල පමණයි. ඒ වගේම ඒ සඳහා ඔවුන් ඉහල මිලක් අය කරනවා. අවසාන වතාවට මා  දුටුවේ iphone 4 සඳහා euro 168 වැනි මුදලක්. ඒ වගේම ඒ උපකරණය කලින් භාවිතා කරපු රට හා network එක අනුව මෙ මුදල  වෙනස් වෙන්න පුළුවන්. ඒ විතරක් නෙවේ තවත් සමහර newtwork මේ සඳහා කිසිම අවසරයක් දෙන්නේ න. අඩුම තරමින් ඒවා මුදල් ගෙවා network unlock වත් කරගන්න බැ. 

එහෙනම් සමහරු පුළුවන්, කරලා දෙන්නම් කියන්නේ 

ඇත්ත මමත් දැක්ක කීප තැනකම එහෙම සටහන් කරපු අය කීප දෙනෙක්ම. මම ඒ අයට පෞද්ගලික massege යැවුවා මම ලඟත් idevice කීපයක් තියනවා කරලා දෙන්න යන ගාන කියන්න කියලා. සමහරුන්ගෙන් විස්තර ඇහුවට පස්සේ උත්තරත් නැ මාව block  කරලත් දාලා. තවත් සමහරු අර නොකෙරෙන වෙදකමට කෝඳුරු තෙල් හත්පට්ටයකුත් ටිකක් ඕන කියනවා වගේ හිතා ගන්නත් බැරි ගණන් කියනවා. ඒ ගානට අලුතෙන් එම device එක සල්ලි වලටම ගන්න පුළුවන්. 

සමහරු imei මාරු කරලා කරන්න පුළුවන් කියනවා. නමුත් idevice එකක IMEI ඉමාරු කරනවා කියන්නේ ලේසි වැඩක් නෙවේ. එක ලොකු අවදානමක් අරන් කරන්න ඕන දෙයක්. device එක no power වෙන්න තියන අවස්තාව ඉතා ඉහලයි. ඔයිට වඩා සරල තාක්ෂනයක් තියන samsung දුරකථන වල         

 IMEI ඉබේම නැති උනාට පස්සේ නැවත තිබුන orginal IMEI  එක Rebulid කරගන්න 100% ක්‍රියාත්මක වෙන ක්‍රමයක් හොයන්න මම දැන් අවුරුදු 2ක් විතර කට්ට කාලත් තාම බැරි උනා. එහෙවු එකේ Idevice ගැන කවර කතාද ?. :) ඒ විතරක් නෙවේ එම අලුත් IMEI  එක අනිවාර්යෙන් දැනට තියන Idevice එකක IMEI එකක් වෙන්න ඕන ඒ වගේම ඒ Device එක Icloud lock නොවුන එකක් වෙන්න ඕන. මොකද මේ හැම IMEI යක්ම Apple  server එකේ registor වෙලා තියෙන්න. සමහර විට ඉතින් මේ මම දන්නා තරම වෙන්න ඇති ඕනෑම දෙයක් කරන්න පුළුවන් පට්ට වැඩකාරයෝ අපේ රටේ ඉන්න හින්දා සමහර විට මම නොදන්නා තව ඕන තරම් ක්‍රම ඇති. කවුරු හරි එහෙම ක්‍රමයක් දන්නේ නම් අපි හැමෝම දැනුවත් කරන්න කියලා ඉල්ලනවා. 

මට දෙන්න තියන උපදෙස්    

• හැම වෙලාවකම් phone එකක් ගන්න කොට එකේ ඉතිහාසය ගැන පොඩ්ඩක් හොයලා බලා ගන්න. (සොර බඩු  ළඟ තබා ගැනීමත් දඩුවම් ලැබිය හැකි ව  වරදකි). 
• ඔය වගේ දෙකට අහු වෙලා ලොකු ගානක් අතින් කෙලවාගෙන ඉන්න වෙලාවේ ඉර දෙන්නම් හඳ දෙන්නම් කියලා වැඩේ කරලා දෙන්න එන උන්ට  තවත් ගානක් පූජා නොකර මොලේ ඇතුව වැඩ කරන්න.
• වැඩේ කරන්න උපකරණය එවන්න කියන උන්වත් advance ගෙවන්න කියන උන්වත් විස්වාස කරන්න එපා. 
• කිසිම විටක පුද්ගලයා නිසි පරිදි හඳුනා ගන්න තුරු මුදල් ගනුදෙනු කරන්න එපා.
• මේක try කරලා බලන්න මේක try කරලා බලන්න කියමින් එවන software කැලි install කරගන්න යන්න එපා. 
• නිත්‍යානුකුලව යමක් කරන්න පුලුවන්නම් පොඩි ගානක් වැඩියෙන් වියදම් උනත් ඒ ක්‍රමය තෝරා ගන්න.
• බොරු add දමමින් මුදල් ගරන web site වලට අහු වෙන්න එපා.

හිටිවන කවියක කතා ගොඩක්

සිංහල භාශාව කියන්නේ ගොඩක් දේවල් ව්‍යංගයෙන් රසවත්ව කියන්න පුළුවන් භාශාවක්. ඒ හින්දමද මන්දා උපහාස, අපහාස වලට අපේ භාෂාව තරම්  තවත් පොහොසත් භාෂාවක් තවත් තියනවද  සැකයි. ඒ භාෂාව හින්දමද මංදා සිංහලයෝ ගොඩක් දේවල් එලි පිට, ඍජුව, කෙලින් කතා නොකරන්නේ. එකෙත් පොඩි මෙවුව එකක් තියනවා කියලයි මට නම් හිතෙන්නේ. කොහොම උනත් සමහර වෙලාවට පොල්ලෙන් ගැහුවා වගේ ඕන දෙයක් කියන්නත් අපේ භාෂාව පාවිච්චි කරන්නත් පුළුවන්.  ඒ වගේ  ජන කවි සම්බන්ද රසවත් දේවල් එක්ක කලින් ලියපු පොස්ට් එකක් මෙන්න මෙතනින් බලන්න පුළුවන්.


අද ලියන්න යන්නේ ඉතා අප්‍රකට මෑත කාලීන  කවියක් ගැන විස්තර. කොටින්ම මේ  කවිය මේ බ්ලොග් අවකාසේ ඉන්න කිසිඉම කෙනෙක්  කලින් අහලා නැ කියලා මට ඉර හඳ  වගේ විස්වාසයි. අහන්න විදිහක් නැ  මොකද මේක අපේ ගමේ හිටපු මනුස්සයෙක් කියපු කවියක් හිංදා. කවිය ලියන්න කලින් මේක කියපු මනුස්සයා ගැන කිවොත් බොහොම නුගත් අහිංසක මනුස්සයෙක්. අකුරු සාස්තරේ යන්තන් දැනගෙන හිටියට මිනිහා නුගතෙක්ම කියන්න බෑ. ජිවිත තක්සලාවෙන් ගත්ත ගෞරව උපාදියකුත් එක්ක අදත් මනුස්සයා අපේ ගමේ ඉන්නවා. මේ කවියෙන් කියවෙන්නේ ගමේ හිටපු ප්‍රසිද්ද චරිත හතරක්  ගැන දිග කතාවක් ඉතාම කෙටියෙන්.  එහෙනම් ඔන්න කවිය සහ විස්තරය මට හැකි පමණින්.

පන්සල් පාලුවා පොල්වත්තේ                   සුද්දා
ගෙයින් ගේට හිඟාන යන                 නයින්ටියා
පොලොස් හොදියි  කිරිපැණි කෑ       බණ්ඩයියා
පොකුරු බොරු කියයි හැරබැන්දේ         මුත්තා

මීට අවුරදු 10කට 12කට විතර කලින් යාලුවෙකුගේ ගෙදරක පොල් අතු බැඳිල්ලකට ගිහින් ඉද්දි ඇදුන කතාවකින් මේ කවියත්, කවිය කියන්න හේතුභූත වෙච්චි සිද්දිය ගැනත් කීවට දැන් නම් සිද්දිය අමතකයි. හැබැයි කවියනම් පට්  ගාල save උනා. හරි එහෙනම් මේකයි තොරණේ විස්තරේ.

"පන්සල් පාලුවා පොල්වත්තේ සුද්දා"
අපේ ගම සහ අවට ගම්  රැසකම තිබුන පන්සල් වල නායක හාමුදුරුවරු හැමෝම වගේ අප්පා කුඩප්පච්චිලගේ ළමයි. අපේ ගමේ පන්සල තමා ප්‍රධාන පන්සල උනේ. සතුරන්ට බයේ හැංගිලා හිටපු වළගම්බා රජතුමා කෙලෙහිගුණ දක්වන්න හදපු රජ මහා  විහාරයක් කියලයි කියන්නේ. විශාල ගලක් යට තමා පන්සල  හදලා තියෙන්නේ. මේ පන්සලේ තමා හිටියේ ඒ පළාතේ අධිකරණ සංඝනායක මහා නායක හාමුදුරුවෝ. වටේ පන්සල් වල හිටියේ උන්නාන්සේගේ නෑදෑයෝ ටික. මේ නායක හාමුදුරුවන්ගේ  නංගිගේ පුතා තමා මේ කියන සුද්දා. සුද්දගේ බාල කොලුවත් පන්සලේ මහන කරලා තිබ්බේ ඊළඟ   නායක පට්ටමට පවුලේ කෙනෙක් ඕන නිසා. හැබයි මු සුද්දා කීවට  වැඩනම් සුද්දෙක් වගේ නෙවේ.  මාමණ්ඩි ඉන්න පන්සල විතරක් නෙවේ මාමණ්ඩිගේ යටතේ  අනිත් පන්සල් ටිකත් මුගේ බුදලේ වගේ තමයි හිතාගෙන හිටියේ. පන්සලටම අයිති විසාල පොල්වත්තක ගෙයක් හදාගෙන පදිංචි වෙලා හිටිය හිංදා හැමෝම කිවේ පොල්වත්තේ සුද්දා කියලා. මේ පොල් වත්තේ ආදායමට අමතරව වටේ පන්සල් වල අටපිරිකරක්වත් මුගෙන් බේරගන්න එක ලේසි වැඩක් උනේ නැ.  පන්සලට දෙන දානේ වෙලේ ඉඳන් අටපිරිකර වෙනකන් සුද්ද කරපු හින්දමද මන්දා මුට සුද්දා කිවේ. මුගේ මේ පන්සල් පාලු වැඩ වලට  නොයෙක් දේ කීවත් ඒවා මු ගානකටවත් ගත්තේ නැ. නායක උන්නාන්සේටත් මේ ගැන ඒ හැටි ගානක් තිබ්බේ නැ. වල පයයි ගොඩ පයයි තිබ්බ උන්නාන්සේට නෑයෝ තරහ කරගෙන කොහොමෙයි. ඉතින්  ඔන්න ඔය විරෝදය තමා හිටිවන මේ කවිය කියපු මනුස්සයා පලවෙනි පදෙන් කියලා දැම්මේ.

       
"ගෙයින් ගෙට හිඟාන  යන නයින්ටියා"
ගමේ තැපැල් කන්තෝරුවේ ලියුම් බෙදන්න හිටිය මනුස්සයා තමයි මේ නයින්ටියා. මිනිහට නයින්ටියා කියලා කියන්න හේතු උනේ උපතින්ම එක අතක  එක  ඇඟිල්ලක් අඩු වීම. මෙතැනදී නයින්ටි කිවේ 90 කියන එක නෙවේ 19 කියන එක. නයින්ටීන් කිවනම්  තාලේ අප්සැට් වෙන හිංදා තමා නයින්ටියා කියලා කිවේ. නැතත් මිනිහගේ රෙජිස්ටර් වෙච්චි නම තමා ඕක. මිනිහගේ පුරුද්ද තමා හැම වෙලාවේම අහු වෙන කෙනෙක්ගෙන් නයට මොනවා හරි ගන්න එක. ලියුම් බෙදන්න ගම වටේම ඇවිදින මනුස්සයා නයක් නොවුණු ගෙයක් ඒ පැත්ත පළාතේ හොයා ගන්න බැ. කොටින්ම මිනිහාට විටක් කන්න හිතුනොත් ඔන්න එක ගෙදරකට ගිහිං කියනවා අනිත්  ජාති තියනවා පුවක් විතරයි නැත්තේ කියලා. එතනින් පුවක් අරන් අනිත් ගෙදරින් බුලත් ඔය විදිහට ගෙවල් දෙක තුනකින් තමා විට එක උනත් සෙට් කර ගන්නේ. ඒ විතරක්ය රුපියල් පනහා,සීය නයට ඉල්ලා නොගත් ගෙදරක් ගමේ නැ. හැබැයි මිනිහා කවදාවත් හොර කරන්නේ නැ. පඩි ගත්ත ගමන් පහුවදා ඉඳන් ගත්ත නය  ඔක්කොම වගේ ගෙවල් වලටම ගිහින් බේරනවා.  ඔය අතරේ පොඩි පොඩි ගණන් අමතක කරලත් දානවා. ඒ උනත් හැමෝම කියන්නේ මිනිහා අවංක මනුස්සයා කියලා. දවස් දෙකෙන් පඩිය ඉවර    කරන මනුස්සයා ඊළඟ මාසේ ගෙවන්නෙත් කලින් පුරුදු   විදිහටම  ගෙයින් ගෙට නය වෙලා. ඔන්න ඕක උපහාසයට අරන් තමා ඔය දෙවැනි පදේ කිවේ.
           
"පොලොස් හොදියි කිරිපැණි කෑ බණ්ඩයියා"

බණ්ඩයියා කියන්නේ ගමේ හිටිය තරමක් මෝඩ පහේ ඩයල් එකක්. මිනිහට තිබ්බ ලොකුම ප්‍රශ්නේ කෑම. මිනිහට කෑමක් දැක්කට පස්සේ එක ඉවර කරනකම් තියෙන්නේ මාර උණක්. මළගෙවල්, පින්කම් ගෙවල්   ඔය කෝවාගේත් යාව ජීව සාමාජිකයෙක්. කන්න තියෙන්නේ කොතැනද මිනිහා එතන ස්වේච්චාවෙන් සේවකයෙක්. ගමේ පන්සලේ ලොකු හාමුදුරුවන්ට කලින් හිටපු ලොකු හාමුදුරුවෝ මලාට පස්සේ අවුරුද්දක් පාසා උන්නාන්සේගේ ජන්ම දිනේට විසාල පිංකමක් කරනවා මේ පන්සල් සියල්ලේම සහභාගිත්වයෙන්. මේ හැම පන්සලකටම අයිති පොල් ඉඩම් අක්කර ගනන්  තියන හින්දත් ගමේ දායක දායිකාවෝ නැ පිරිවර හින්දත් මේ පිංකම මහා විසාලෙට කරන එක මහා පස්නයක් නෙවේ. ඔන්න ඔය වගේ තැන්වල බණ්ඩයියා කියන්නේ නැතිවම බැරි චරිතයක්. ඉඳි අප්ප සීයක් හමාරක් උනත් කිසි කෙඳිරියක් නැතිව ඉවර කරන බණ්ඩයියා දෙන ඕන වැඩකුත් කිසි කෙඳිරියක් නැතිව  කරනවා. ඔය වගේ එක පින්කමක් දවසේ සතියක් විතර පන්සලේම නතර වෙලා වැඩ කරපු බණ්ඩයියා පිංකම  දවසේ කිරි කන්න ගිහින්  අනා ගත්ත හැටි තමා ඔය. හාමුදුරු වරුන්ට දානේ පිලිගන්නලා අහවර උනාම එකතු වෙච්චි ගම්වාසී හැමෝම කෑම කනවා සමහරු ඔතාගෙන යනවා. ඔන්න ඔය වෙලාවක කෑම කාල ඉවර වෙලා අතුරු පස කන්න ගත්තා. බණ්ඩයියා කොහම හරි කාටත් හොරෙන් කලින්ම කිරි මුට්ටියක් පන්නනවා පැණි බෝතල් භාගේකුත් එක්ක. මොකද බත් මාළු ඕන තරම් තිබුනට අතුරුපස ගමකට ඇති වෙන්න නැති නිසා. ඕක බලාගෙන හිටපු තව ඩයල් එකක් දෙනවා රියල් ගේමක්. පොර හෙමිහිට පැණි භාගේ උස්සලා ඒකෙන් තුන්කාලක් විතර  අයින් කරලා අඩුවට දානවා පොලොස් තෙල්. දන්නවනේ පොලොස් උයද්දී හොඳ රතු පාටට තෙල් බේරෙන විදිහ. පොලොස් මහා ගොඩක් උයද්දී සැහෙන තෙල් ප්‍රමාණයක් එකතු වෙනවා. එහෙම එකතු වෙන තෙල් හෙමිහිට හැන්දකින්  අරන් වෙනම එකතු කරලා  තියනවා බෙහෙත් වලට පාවිච්චි කරන්න. ඕක බෝතලේක දාලා හොලවන්නේ නැතිව තිබ්බහම ලස්සනාට අඩියට මිදෙනවා මන්ඩි ටික. අර පොර හෙමිහිට මේ පොලොස් තෙල් බෝතලෙකින් තමා පැණි බෝතලේ අඩුව පුරවන්නේ. දැන් කෑම එහෙම කාලා කට්ටිය ඔය කෙහෙල් ගෙඩියක්, වටලපමක් හොයාගෙන කනකොට බණ්ඩයියා  ශේප් එකේ හංගලා තිබ්බ කිරිහට්ටියට වැඩේ දෙන්න සෙට් වෙනවා. කවුරු හරි දැක්කොත් දෙන්න වෙයි කියලා පොර මොකද කරන්නේ ඉක්මනට පැණි භාගේ මුළු කිරිහට්ටියටම දාලා හොඳට කලවන් කරලා තමා එලියට අරං එන්නේ. ඇවිත් උජාරුවෙන් අනිත් උන්ට පේන්නත් එක්ක කන්න ගත්තම තමයි පොරට තරු පෙන්නේ. කටේ තියන්න බෑ මහා වහතු රසක් එන්නේ. වැඩේ සෙට් කරපු උන් ටික බණ්ඩයියා ළඟටම වෙලා හැමෝටම ඇහෙන්න "ආ ..බන්ඩටනම් පින තමා ඉතිං. කිරි හට්ටියක්ම හම්බෙලා තියෙන්නේ" කියලා කියපි.  දැන් ඉතිං මොකෑ කොරන්නේ බන්ඩයියත් අරිෂ්ට බොනවා වගේ කිරි එක කාලා දානවා. පහුවදා මොලු දවසම වැසිකිලියේ ඉන්න  බන්ඩයියට ආය පාරට එන්න හම්බෙන්නේ නැ හැමෝම අහන්නේ "බන්ඩෙ ශෝක් මීකිරි ටිකක් තියනවා කමුද" කියලා. වැඩේ කොච්චර දරුණු උනාද කියනවනම්. මීකිරි කියන වචනේ ඇහෙනකොටත් බන්ඩයියට ඔක්කාරේ ඔං.

"පොකුරු බොරු කියයි හැරබැන්දේ මුත්තා"   
ගම් වල ඉස්සර කාලේ ඉඳන් තියන පුරුද්දක් තමා හැම ගෙදරකටම මොකක් හරි නමක් තියන එක. ගෙදරට විතරක් නෙවේ ගෙදර සාමාජිකයන්ටත් නියම නමට අමතරව ගමේ හැමෝම කතා කරන නමක් තියනවා. සමහර නම් හැදිලා තියෙන්නේ පුද්ගලයාගේ හැසිරීම මත , සමහර ඒවා සිද්ද වෙච්චි යම් සිද්දියක් උඩ, තවත් වෙලාවකට අලුතෙන් ගමට ආපු කෙනෙක් නම් එයා කලින් හිටිය ප්‍රදේශයේ නම. අපේ ගෙට එහා ගෙදර හිටියේ "හත්කොල්ලේ නැන්දා" උන්දා හත්කොරලේයෙන් තමා අපේ ගමේ "නාදන් මාමා " කැන්දන් ඇවිත් තිබුනේ. ඒ හිංදා උන්දා "හත්කොල්ලේ නැන්දා, හත්කොල්ලේ නංගි " වගේ නමක් ලැබුවා. "නාදන්" මාමා කියන්නේ උන්දැගේ පුරුෂයා. මිනිහා "නාදන්" උනේ කොයි වෙලෙත් මහා ගෝසාවට කතා කරන හිංදා. එතනින් ගියාම "බුසම්මා". බුසම්මා  කිවේ උන්දැගේ ඇඟේ තරමක් රෝම තිබ්බ හිංදා තව ඉතින් පිරිමියකුගේ වගේ තරමක රවුලකුත් තිබ්බා. ඔන්න ඔහොම තියපු නමක් තමා ඔය හැරබැන්දේ ගෙදර කියන එක. ඔය ගෙදර තමා මම ඔය පොල් අතු බැඳිල්ලට ගියේ. උන්දැගේ බාලම පුතා හොඳින් ඉගන ගෙන උපාදියක් පවා තිබ්බා. හැබැයි ලෙනින්ටත් වඩා සමාජවාදී හිංදා කවදාවත් රස්සාවක් කරේවත් දියුණුවක් ගැන හිතුවේ වත් නැ. අදටත් අවිවාහකව ඉන්නේ. හැබැයි ගෙදරම ලොකු පොල් අතු මඩුවක් හදලා සත පහක් නොගෙන අහල හැම ගමකම එන ඕනෑම සාමාන්‍ය පෙළ ළමයකුට නොමිලේ, ගණිතය, සමාජ අධ්‍යනය, විද්‍යාව    උගන්නනවා. මගෙත් ගණිත ගුරුවරයා උනේ මෙතුමා. ඒ වගේම පස්සේ කාලෙක මෙතුමාගේ පරිගණක ගුරුවරයා උනේ මම. ඔය හින්දම පිරිස් බලය අතින් නම් උපරිමයි. 
          එයාගේ තාත්තා තමා මේ හැරබැන්දේ මුත්තා කියන්නේ. දෙවන ලෝක යුද්දෙටත් සහභාගී උන සොල්දාදුවෙක්. තරමක් යන්ත්‍ර මන්ත්‍ර කටයුතු ගැන දන්නා හිංදා  මගේ කලින් පොස්ට් එකේ වගේ ගල් පැලෙන ඇත්ත උන්දා කියන්නේ එකක් දෙකක් එහෙම නෙවේ කතා සරිත් සාගරේ වගේ එකක් ඇතුලේ එකක් විදිහට හින්දා තමා මේ අන්තිම පදෙන් "පොකුරු බොරු කියයි හැරබැන්දේ මුත්තා " කිවේ. රැට නින්ද යන්නේ නැති අවාසනාවන්ත ලෙඩේ තිබ්බ හිංදා උන්දා කරන්නේ තනියම එලි වෙනකන් කාඩ් ගහන එක. ඉතින් අහම්බෙන්වත් කවුරුත් අහු උනොත් උන්දැගෙන් බේරෙනවා බොරු                           
එකක් ඉවර වෙනකොට එකක් විදිහට කතා කිය කියා අහු උන එකා එලි වෙනකන් හරි තියා ගනියි. ජර්මන් හමුදාවට විරුද්දව යුද්ද කරන්න ගිහින් උන්දා මන්තර බලෙන් කොරපු සුරු විරු කම් චන්දනගේ  බේගල් කතා කැලේ. නිකන්ම නෙවේ ඒවාට සාක්කි හැටියට 1944 කොටපු දත් මදින බුරුසුවක්, බුට් සපත්තු තව අරවා මේවා ලට්ට ලොට්ට ගොඩක් එක්ක බොරු ඇවිද්දවනවා. ඔන්න ඔය ගැන තමා ඔය අන්තිම පදෙන් කිවේ. 

මේ වගේ දේවල් අහමින්, දකිමින් ගෙවපු මගේ ළමා කාලය මේ සුන්දර මිනිසුන් හිංදා කොච්චර සුන්දරව ගෙවුනද කියලා ආපහු හැරි බලන කොට හිතෙනවා. එත් අවාසනාවට ආය කවදාවත් ඒ දේවල් අපිට ලබා ගන්න බැ. මතකය විතරක් අලුත් කරමින් දැන් මේ ගන්දබ්බ ජීවිතේ ගෙවා දමමු.   

කිරි බී වැඩෙන කූඩල්ලෝ

මාරයාගේ මෙන්න මේ පොස්ට් එක දැක්ක ගමන් තමයි ඔං මේක කොටන්න හිතුවේ. මොකෝ මේක මම නොකියා හිටියේ කිවුවට ඔහෙලා කිසි කෙනෙක් මේක විස්වාස කොරන්නේ නැති හිංදා. මේක වෙනකොට යාන්තං මම අටේ කැලැසියේ වගේ මට මතක. ඒ දවස් වල අපේ මාමා පොඩි බිසිනොස් එකක් කොරන් ගියා ඔය උගස් ගන්න. මිනිහා ඉතින් ඔය ඉඩ කඩම්, ටෙලිවිසෝන්, රේඩියෝ, වාහන,  වගේ දේවල් ඇපේට තියාන තමා  සල්ලි  දුන්නේ. ඔං  කොහොමින් කොහොමින් හරි මිනිහා උගස් ගත්ත ඉඩමක් තිබ්බා ඔය අලගල්ල කන්ද පාමුල. හරියටම කියනවනම් අමුණු ගොඩක් තියන ගමක උන්නැහැ කෙනෙක් නිධානයක් ගන්න ඕන හිංදා හෝටලයක් ගහන්න කියලා ගත්ත කඳු කෑල්ලේ අල්ලපු ඉඩම් කැල්ල. කාලයක් ගිහිං මේක බේරගන්න අයිති කාරයත් නාපු එකේ කොහොමින් කොහොම හරි ඉඩම මිනිහට සින්න උනා කියමුකෝ. දවසක් එක නිවාඩු කාලෙක මිනිහා මට කියපි "පුතේ අර මට සින්න උන ඉඩමක් තියනවා අහවල් තැන උඹ නිවාඩු වෙලාවක ඔය කොල්ලෝ දෙතුන් දෙනෙක් එක්ක ගිහින් ඕක බලන් වරෙන් " කියලා. 

මමත් ඉතින් දවස් දෙකකට පහුං ගමේ එවුන් දෙන්නෙක් එක්ක   උදේම ගියේ නැතැ ඕක බලන්න. නැ ..නැ.. නැ ගමේ මිනිස්සුන්ට ලයිට් දෙන්න වෙයි කියලා අර කන්ද උඩ ඉඩම ගත්ත හාදයා පාර දිගේ ලයිට් වයර් අදින්නේ නැතිව  හැතප්ම ගානක් ඈත  කැලෙන් ලයිට් ගත්ත පැත්තෙන් නෙවේ අනිත් පැත්තෙන් මම නැග්ගේ.  හම්මේ සංසාරේ ඕන්නැ ඔය කන්ද බඩගාන්න ගත්තම. කොහොමින් කොහොම හරි ඔන්න පාරක් තොටක්  තියන දුර නැග්ග කියමුකෝ. එතැන් ඉඳන් ඉතින් මහා කැලේ තමා, ඉලුක් මුකලාන, කූඩලු විමානේ. ආය ඉතින් කීවට විස්වාස

කොරන්න ඔං අපේ මැදගිල්ලට වඩා ලොකුයි මුං. ආය එකෙක් එල්ලුනොත් ලේ පයින්ට් භාගයක් වත් බොනවා බොනවම තමයි.

            කොහොමින් කොහොම හරි ටික දුරක් යනකොට ඔන්න මං එක්ක ගිය උන් දෙන්නා තවදුරටත් යන්න බැ කියලා ගමන නැවැත්තුවේ නැතැ. කොච්චර කණීපින්දම් ගෑවත් මුන් නෙවේ කැමති උනේ. හෙහ් .. අපි සැලෙයි ඕවාට. ඔය හැටි පුකට වඳින්න බැරි හිංදා  මම දැන් තනියම ගමන. මුන් දෙන්නා හැරිලා ගියා. දැන් ඉතිං කොහොමෙන් කොහොම හරි වත්ත පේන මානයට අවා කියමුකෝ. ඔන්න එතකොට මට පේනවා වත්තේ ඈත කෙළවරක තියන මහා විසාල රට දෙල් ගහක් බස බස ගාලා හෙල්ලෙනවා. මම හිතුවා "හරි එකත් එකටම මේ ගහ මොකුන් හරි සෙට් එකක් හොරෙන් කපනවා" . එත් මට කල්පනා උනා යකෝ දෙල් ලී අහවල් කෙහෙල් මලකටද කියලා. කියන්න බැනේ බෝ ගස් කපලා "බුදු හේත්තු" කියලා විකුණන එකේ ආය මුන් දෙල් ගහක් නොකපා අරීද.  අද අල්ල ගන්නම් අතටම කට්ටිය කියලා මමත් හෙමිං , හෙමිං ගහෙන් ගහට මුවා වේවි කිට්ටු කරා ගහ ලඟට. ම්හු ..බලු බල්ලෙක් පේන්න නැ හැබැයි බොලේ ගහ නම් හෙල්ලෙනවා නිකං අලි දෙන්නෙක් දෙපැත්තේ ඉඳන් පිට අතුල්ලනවා වගේ. මට දැන් බයත් හිතෙනවා ඇයි යකෝ බලු බල්ලෙක් නැතිව මෙච්චර පත ගහක් කොහොමෙයි මෙහෙම හෙල්ලෙන්නේ. ටිකක් වෙලා හෙමීට බලන් ඉඳලා මමත් ටිකෙන් ටික කිට්ටු කරා ගහ ළඟටම. ම්හු..අලි කොහෙද මේ කැලේ. අලියෙක් තියා හරකෙක්වත් පේන්න නැ. හැබැයි ඉතින් වල් ඌරු විමානේ හිංදා මට නොපෙනෙන පැත්තෙන් වල් ඌරෙක් වත් ගහට පතබානවද දන්නැනේ කියලා හිතලා. වටෙන්..වටෙන් ..හෙමින් ..හෙමින් ගියේ නැද්ද ගහේ අනික් පැත්තට. මොන , ඒ පැත්තෙත් මොකෙක්වත් නැ. මට දැන් නම් ෂුවර් අනිවා මේක අමනුස්ස  වැඩක්. අනිවාර්යෙන් රුක් දෙවියෝ දෙන්නෙක් මේ ගහ බෙදා ගන්න බැරිව ෆයිට් කොරනවා. එතකොට තමා මේ ගහ මේ හෙල්ලෙන්නේ. මොකෝ උන්නැහේලාට ඉන්න දැන් ලොකු ලොකු වටිනා ගස් තියේය. දැන් ඉතින් උන්නැහේලට පැපොල් ගහටත් ඇරගන්න වෙලා තියෙන්නේ. මොකද  අර උන්නැහැගේ හෙන්චයියෝ ටික ඔය පැත්ත දැන් සුද්ද කරලා ඉවරනේ.  

ඕන පුකක් ප්‍රීති වෙසක් කියලා හෙමින් හෙමින් කිට්ටු කරා ගහ ළඟටම. ගිහිං හොඳට අත ගාලා බැලුවා හෙල්ලිල්ල නවතීද කියලා.මොකද ඔය දෙයිවරු කැමති නැ නොව මනුස්ස ඉස්පර්සයට. මොන පිස්සුද තවත් ගහ හෙලවෙනවා පෙර ලෙසටම. හොඳට ලංවේලා උඩ ඉඳන් පහලට වටේම බලාගෙන ආවා. කිව්වට විස්වාස කරන්න ආයිබෝං ගහ පාමුල කූඩෑල්ලියක් ගහට පිට දීලා හේත්තුව දාගෙන පැටවුන්ට කිරි දෙනවා පැටවූ රොත්තම කිරි බොන්න පොර කන පොරකැවිල්ලට තමා ගහ හෙල්ලෙනේ ඔං.
   
                        අවාසනාව කියන්නේ, ඔහේලට කියන්න මම මුන් ටික දකිනකොටම මේ  කූඩෑල්ලිත් මාව දැක්කා නොවැ. දැක්ක විතරයි ඔං මගේ ලේ සුවඳට මෙකි පිස්සු වැටුනා. එක පාරට පැටවූ ටිකත් පෙරළන් ආවේ නැද්ද මගේ පැත්තට. හැරුනා අනිත් පැත්තට මම හුරේ රන්. වචනයේ පරිසමාප්ත අර්ථයෙන්ම දිවුවා කැලේ කඩාගෙන. නැග ගන්න සයිස් ගහක්වත් නැ වට පිටේ අර උන්දැට පින් සිද්ද වෙන්න. වාසනවාට අවුරුදු 6,7ක් වයස පොල් ගහක් සෙට් උනා.ආය මොනවා හිත හිත ඉන්නද බස ගාල නැග්ගා ගහේ  කරටියට. ඇයි අප්පේ බැරි වෙලාවත් ඔය කූඩෑලු සෙට් එකට අහු උනානම් bleed   ද මොකක්ද වෙලා මැරෙන්නේ ඔං. ගමන් මහන්සියටයි බය උන බය විල්ලටයි පොල් කරටිය බදාගෙන එහෙම්ම නින්ද ගියා. 
                කොහොමින් හරි පැයක් හමාරක් නින්ද යන්න ඇති ඇහැරිලා බලනකොට මෙන්න බොලේ අපේ ගෙවල් ළඟ තියන ඇල පාර මට පේනවා. ඒ විතරක්යැ පාරේ වාහන යන සද්දෙත් ඇහෙනවා මට දැන් නම් ෆුල් අවුල් ඇයි යකෝ මම මේ හීනයක්වත්ද දකින්නේ. කෝකටත් පොඩ්ඩක් කොනිත්තගෙන බැලුවා. ම්හු.. මම ඇහැරලා තවමත් පොල් කරටිය බදාගෙන ඉන්නේ. හැබැයි බොලේ පොල්ගහ තාලෙට දෙපැත්තට පැද්දෙනවා. මම බැලුවා යකෝ මේ මොකක්ද කියලා. කීවට විස්වාස ක‍රන්න නැත්තන් ඕන මඟුලක් කරගන්න යකෝ පොල්ගහ ඇවිදිනවා. මම දඩි බිදී ගාල බැහැ ගත්තා ගහෙන්. බැහැලා පොඩ්ඩක් ඈතට වෙලා බැලුවා යකෝ මේ මොකක්ද කියලා. බලනකොට මට පේනවා පොල් මුල. මොකක් වෙන්න ඇති කියලද ඔහෙලා හිතන්නේ. මේ පොල්ගහ තියෙන්නේ බොලේ දාර පිඹුරෙක් උඩ නෙව. ඔහෙලා හිතයි මේක අමු මුසාවාදයක් කියලා. මමත් හීමිට ලං වෙලා බැලුවා යකෝ පිඹුරෙක් පිට කොහොමෙයි පොල්ගහක් හැදෙන්නේ කියලා. මෙන්න මේකයි වෙලා තියෙන්නේ මේ පිඹුරා මීට අවරුදු බර ගානකට කලින්  කොහෙන් හරි අල්ලාගෙන තඩි ගෝනෙක් ගිලලා. ඔහේලා

දන්නවනේ ආය පිඹුරෝ හපලා කනවා කියලය. බුග් ගාල ගිල්ල අර ගෝනව අං තට්ටුව පිටින්ම. කොහොම හරි ගෝනා දිරෙවුවට අං දෙක දිරවා ගන්න බැරි උනා. මේ අං දෙක කොහොමින් කොහොම හරි පිඹුරගේ   පිට හිල්  කොරන් ඇවිත් එලියට. ඔන්න ඔහොම අං  තට්ටුවකුත් බඩ මැද තියාගෙන පිඹුරා එහෙ මෙහේ  යනකොට කොහොම හරි පොල්ගහක් යටින් යනකොට වැටුණු පොල් ගෙඩියක් අර අං තට්ටුව උඩට වැටිලා එකේ ඇමිණිලා තිබිලා පැල වෙච්චි පොල් ගහට තමයි බොලන්ලා මම එවෙලේ ගොඩ වෙලා තියෙන්නේ.                   

මේ පුදුමේ ගමේ උන්ට කියන්න මම දීවේ නැද්ද ගමට. අනේ අවාසනාවට ගමේ උන්ටික එකතු කරගෙන එනකොට පොල්ගහවත් පිඹුරවත්  පේන තැනක නැ. ගමේ උන් ඔක්කොම මට දොස් කියන්න ගත්තා මේ ගජබින්න අතාරිනවා කියලා. මගේ වාසනාවට ඈත කන්ද උඩහා ගස් අස්සෙන් පොල් කරටියක් වැනි වැනි තියන එක පෙන්නල්යි ඔං මම බේරුනේ. අම්මපා ..  

මේ වගේ ගල් පැලෙන ඇත්ත කතා ගොඩක් තිබ්බා මෙන්න මේ තැන.

ඩ්‍රැකීගේ අඩවිය

මෙතන තියනවා ඒ ගැන වටිනා විස්තරයක් 

සිතුවිලි පුංචි  කතන්දර 

(ප.ලි. මේ වගේ කතා අපි පොඩි සන්දියේ මල ගෙවල්, පින්කම් ගෙවල් වලට ගියහම අපිව ලං  කරන් මේ වගේ කතා කියා දෙමින් සුරංගනා ලොවකට අප රැගෙන ගිය ඒ සුන්දර මිනිසුන් කෙදිනකවත් අපේ දරුවන්ට නැවත මුණ ගැසීමට වාසනාව නොමැති වීම ගැන ශෝක වෙනවා හැර අපට කල හැකි දෙයක් නැත. සරලව ජීවත් වෙමින් නිතරම සතුටින් සිනහවෙන් සිටි ඒ මිනිසුන් වෙනුවෙනි.)